Ezekiel 20:27 - Maung A Balita Biblia

²⁷ “Natan sirin, sika a toon ompatey, salitam ed saray Israelita so ibabagak ed sikara, siak a Katawan a Dios. Wala niy sakey a ginawa da ray lalaki ra ya impamabaing ed siak diad panamegley na impantraidor dad siak.

Maung a Balita Biblia

²⁷ Natan sirin, sika a toon ompatey, salitam ed saray Israelita so ibabagak ed sikara, siak a Katawan a Dios. Wala niy sakey a ginawa da ray lalaki ra ya impamabaing ed siak diad panamegley na impantraidor dad siak.

Ezekiel 20:27 Referans Kwoze

Saray Taga Roma 2:24

Ta ibabagay Masanton Sulat, “Lapud sikayo ran Judio, aayewen na saray Hintil so ngaray Dios.”

Ezekiel 3:27

Insan no misalita ak ed sika lamet tan ipawil kod sikay pakapansalita, ibagam ed sikaray sasalitaen ko, siak a Katawan a Dios. Pigarad sikaray ondengel, balet pigara met ed sikaray ag ondengel ed sika lapud totoo ran mananumpad siak.”

Ezekiel 3:11

Insan kad satan onla ed saray kaparam a Judio a nibantak ed arum a bansa tan salitam ed sikara so ibabagak ed sikara, siak a Katawan a Dios, dengelen da ka man odino andi.”

Ezekiel 3:4

Insan inkuan na Dios, “Sika a toon ompatey, lakad saray totood Israel tan salitam ed sikara so antokaman a paibagak ed sika.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Puyan 13:5

Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Saray Bilang 15:30

Balet siopamay gagalaen toy mankasalanan, nianak man ya Israelita odino sakey a sangkaili, ludlureyen toy Katawan tan nepeg a pateyen,

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Isaias 65:7

ed saray kasalanan da tan saray kasalanan na lalaki ra. Nampopool ira na insinso ed saray altar a panangigalangan na saray pagano pokdul tan nansasalita ray maoges sumpad siak. Kanyan dusaen ko ra onung na kanepegan na saray imbeneg a ginagawa ra.”

Ezekiel 14:13

“Sika a toon ompatey,” kuanto, “no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.

Ezekiel 39:23

Nakabatan na saray bansa a saray Israelita et nibantak irad arum a bansa, lapud saray kasalanan dad siak. Inkaindan ko ra tan inabuloyan kon taloen tan pateyen ira ed bakal na saray kalaban da.

Ezekiel 39:26

No manayam ira lamet ya arawid kaatapan diad dilin dalin da, ya anggapo lay manaktakot ed sikara, nalingwanan da may inkaplag dad kababaingan lapud impantraidor dad siak.