Ezekiel 20:19 - Maung A Balita Biblia

¹⁹ Siak so Katawan a Dios yo. Onur yo ray ganggan ko tan saray bilin ko.

Maung a Balita Biblia

¹⁹ Siak so Katawan a Dios yo. Onur yo ray ganggan ko tan saray bilin ko.

Ezekiel 20:19 Referans Kwoze

Ezekiel 36:27

Iyan kod sikayo so ispirituk tan patoluken ta kayod saray ganggan ko tan saray bilin kod sikayo.

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Deuteronomio 12:1

“Saraya so ganggan a pampelengan yo ya onuren legan a manaayam kayod dalin ya iiter ed sikayo na Katawan a Dios na saray lalaki yo. Dengel yo ra!

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Levitico 18:4

Sumpal yo ray ganggan ko tan tombuk yo ray bilin kod sikayo. Siak so Katawan a Dios yo.

Saray Salmo 119:4

Katawan inter mod sikami ray ganggan mo, tan imbagam a matoor mi ran onuren.