Ezekiel 20:13 - Maung A Balita Biblia

¹³ Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Maung a Balita Biblia

¹³ Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:13 Referans Kwoze

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Ezekiel 20:24

Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.

Isaias 56:6

Say Katawan kuantod saray sangkailin nagmaliw a kabyangan na saray totoo na Katawan, a mangaaro tan manlilingkur irad sikato, ngingilinan day Agew na Panagpainawa, tan matoor dan susumpalen so impisipanan to:

Deuteronomio 9:8

Anggan dimad Palandey na Sinai impanpasnuk yoy Katawan; lapud mapalalon pasnuk to akaparaan lan mamatey ed sikayo.

Saray Bilang 14:29

Ompatey kayo tan nataytayak ed sayan kalawakan iray bangkay yo. Lapud nanriklamo kayo sumpad siak, anggapod sikayo so makaloob ed saman a dalin a say taon to et onsoluk ed duamplo.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Exodo 32:10

Natan, ag mo ak babanoen. Ampetang so olok ed sikara, kanyan deralen ko ra. Insan pagmaliwen ta ka, tan saray kabyangay boleg mo, a sakey a bansan matalonggaring.”

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Ezekiel 20:16

Insambak iman a gawaen ta sinumlang da ray bilin ko, impolisay da ray ganggan ko, tan ag da nginilinan so Agew na Panagpainawa—nilabay da ni so angigalang ed saray talintaoy diriyos da.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Probirbio 13:13

No ipolisay moy maung a simbawa kekerewen moy gunigon, onur mo et arawi kad kaatapan.

Probirbio 1:25

Ag yo dinengel iray amin a simbawak tan ag yo labay so papetek ed siak.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

1 Samuel 8:8

Nanlapu lad impangipaway kod sikara ed Egipto, ibebeneg da ak tan manlilingkur irad saray arum a diriyos; natan gagawaen dad sika so gagawaen da lan gendat ed siak.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Saray Bilang 26:25

Say bilang da ray lalaki ed sarayan boleg et anemaplo tan apat a libo tan talon lasus.

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Levitico 26:43

Balet nakaukolan nin say dalin et naandian na totoo pian makapampainawan sigput, tan saray totoo et bayaran da niy impangipolisay dad saray ganggan ko tan saray bilin ko.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Saray Taga Roma 10:5

Onya so insulat nen Moises, nipaakar ed pakapaandi na kasalanay too ed arap na Dios lapud panangonur ed Ganggan: “Mambilay so toon mangoonur ed ibabagay Ganggan.”

Levitico 18:5

Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.”

2 Saray Awaran 30:7

Ag yo aaligen iray lalaki yo tan saray kapara yon Israelita ya aliwa ran matoor ed Katawan a Dios da. Onung na nanenengneng yo, dinusa to ran mapalalo.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Ezekiel 20:36

Dusaen ta kayo natan a singa samay impanusak ed saray lalaki yo diad Kalawakan na Sinai,” kuay Katawan a Dios.

Ezekiel 22:8

Ag mo gagalangen iray masanton pasen, tan ag mo ngingilinan so Agew na Panagpainawa.

Ezekiel 23:38

Et aliwan saraman labat so ginawa ra. Dinotakan day Timplok tan sinumlang day ganggan a nipaakar ed Agew na Panagpainawa ya inletneg ko.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Nehemias 13:17

Nampasnukan ko ray pangulo na saray Judio tan inkuankod sikara, “Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.