Ezekiel 20:12 - Maung A Balita Biblia

¹² Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Maung a Balita Biblia

¹² Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Ezekiel 20:12 Referans Kwoze

Ezekiel 20:20

Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.

Ezekiel 37:28

No nipasen ko lay Timplok a mansiansia ya anggad angga ed kawalaan da, naamtaan ed satan na saray bansa a siak a Katawan so amilid Israel a sikaray dilin totook.”

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

Levitico 21:23

balet lapud walay deral na laman to, ag nayarin onsingger ed masanton kurtina odino diad altar. Ag to nepeg a dotakan ira yan masanton bengatla, lapud siak so Katawan a mamapasantod sikara.”

Nehemias 9:14

Imbangat mo ra a ngilinan da ray masanton Agew na Panagpainawa, tan inter mod sikara iray ganggan mo diad panamegley nen Moises ya aripen mo.

Levitico 25:4

Balet say kumapiton taon, sikatoy taon a pampainawan sigput na dalin, say taon a nisaklang ed Katawan. Ag yo tataneman iray kaalogan yo odino popotutan so wakawakal na saray kaubasan yo.

Levitico 23:39

No naani yo la ray bunga na saray tanaman yod kaalogan yo, silibraan yon pitoy agew yan pista, manlapud kamalabinliman agew na kumapiton bulan. Say ononan agew et sakey a nidoma-doman agew na painawa.

Levitico 23:32

Manlapud kaselek na agew na kumasiam ya agew na bulan ya anggad kapansironget na kumaplon agew ngilinan yo yan agew a sakey a nidoma-doman agew na panagpainawa; legan na sayan agew nepeg ya anggapoy kanen na anggan siopa.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Levitico 21:15

No aliwan birhin so asawaen to, saray anak to a nepeg a masanto ra et marotak ira onung ed ganggan. Siak so Katawan tan siak so angibiig ed sikato a Pangulon Pari.”

Levitico 21:8

Saray totoo nepeg ya ipasen dan masanto so pari, lapud sikatoy mangisasaklang ed siak na bagat a kakanen. Siak so Katawan, masanto ak tan pasantosen ko ray totook.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.”

Exodo 35:2

Anem agew a makapankimey kayo, balet masanto so kumapiton agew, sakey a masanton agew na panagpainawa a nisaklang ed siak a Katawan. Siopamay mankimey ed satan ya agew nepeg a pateyen.

Exodo 16:29

Ag mo lilingwanan a siak a Katawan et initdan ta kayoy sakey ya agew a panagpainawa, kanyan diad kumanem ya agew itdan ta kayo lawas na kakanen ya ondugad loob na duay agew. Balang sakey nepeg a manayam ed kawalaan to no agew na panagpainawa tan ag to onalis ed abung to.”

Genesis 2:3

Binindisionan na Dios yan kumapiton agew tan imbiig ton sakey a masanton agew, ta diad sayan agew asumpal toy impamalsa tod ganagana tan nampainawa.

Judas 1:1

Sayan sulat nanlapud kinen Judas ya aripen nen Jesu-Cristo, tan agi nen Santiago— Diad saray tinawag na Dios a mambibilay irad panangaroy Dios Ama tan panagtalima nen Jesu-Cristo:

COLOSAS 2:16

Kanyan ag kayo papaoleyan ed siopaman a mangibaga no antoy nepeg yon kanen, inomen, pistaan ya agew o bulan, o ngilinan ya Agew na Panagpainawa.

Isaias 56:2

Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.”

Jeremias 17:22

odino manaawit na antokaman ya ipaway dad saray abung da no Agew na Panagpainawa. Ag ira nepeg a mankimey no Agew na Panagpainawa; ngilinan dan sakey a masanton agew, onung na ingganggan kod saray lalaki ra.

Ezekiel 20:26

Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.