Ezekiel 20:1 - Maung A Balita Biblia

¹ Nen kumaplon agew na kumaliman bulan na kumapiton taon na inkibantak mi, wala ray pigaran pangulo na saray Israelita a dinmagon mangipanon ed siak na nipaakar ed linawa na Katawan. Inmirung ira ed arap ko.

Maung a Balita Biblia

¹ Nen kumaplon agew na kumaliman bulan na kumapiton taon na inkibantak mi, wala ray pigaran pangulo na saray Israelita a dinmagon mangipanon ed siak na nipaakar ed linawa na Katawan. Inmirung ira ed arap ko.

Ezekiel 20:1 Referans Kwoze

Ezekiel 8:1

Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.

Ezekiel 40:1

Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Ezekiel 32:1

Nen ononan agew na kumalabinduan bulan na kumalabinduan taon na inkibantak mid arum a bansa, say Katawan akisalitad siak.

Ezekiel 31:1

Nen ononan agew na kumatlon bulan na kumalabinsakey a taon na inkibantak mid arum a bansa, say Katawan akisalitad siak.

Ezekiel 30:20

Nen kumapiton agew na ononan bulan na kumalabinsakey a taon na inkibantak mid arum a bansa, say Katawan akisalitad siak.

Ezekiel 29:17

Nen ononan agew na ononan bulan na kumaduamplo tan piton taon na inkibantak mi, say Katawan akisalitad siak.

Ezekiel 29:1

Nen kumalabinduan agew na kumaplon bulan na kumaplon taon na inkibantak mi, say Katawan akisalitad siak.

Ezekiel 26:1

Nen ononan agew na…bulan, nen kumalabinsakey a taon na inkibantak mi, say Katawan akisalitad siak.

Ezekiel 24:1

Nen kumaplon agew na kumaplon bulan na kumasiam a taon na inkibantak mi, say Katawan akisalitad siak.

Ezekiel 1:2

Kumalima lad saman a taon manlapu lad inkibantak nen Ari Joakin ed arum a bansa.)

Saray Gawgawa 22:3

“Sakey ak a Judio, nianak ak ed Tarso ed Cilicia, balet dia ak binmaleg ed Jerusalem. Nanaral ak ed kinen Gamaliel, tan malet so inkabangat kod Ganggan da ray lalaki tayo. Maseseg so impanlilingkur kod Dios, a singa gagawaen yon amin a wadya natan.

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

Lucas 8:35

Kanyan dinmadago ray totoo a nengnengen da no antoy agawa. Kaasingger dad kinen Jesus, anengneng da may lakin angekalan to na saray dimonyo. Manyodyorung ed saliyan nen Jesus, akakawes la, tan duga lay kalakal to. Diad satan, ataktakot ira.

Lucas 2:46

Kayariy taloy agew, nalmo rad dalem na Timplo. Akayorung ed pegley da ray mamaistro, onderengel ed sikara tan tetepetan to ra.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Ezekiel 8:11

Wadman iray pitomplon pangulo na saray Israelita, pati si Jaazanias a lakin anak nen Safan. Sankabembenan na balang sakey ed sikara so parlangan na insinso tan manatagey so asewek na insinso.

Ezekiel 20:2

Insan akisalitad siak so Katawan.