Ezekiel 2:9 - Maung A Balita Biblia

⁹ Anengneng koy liman onaarap ed siak, tan sankabembenan toy nilokut a babasaen.

Maung a Balita Biblia

⁹ Anengneng koy liman onaarap ed siak, tan sankabembenan toy nilokut a babasaen.

Ezekiel 2:9 Referans Kwoze

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Daniel 10:10

Insan walay liman angegnad siak, intagey to ray limak, tan impatalimukor to ak; manggiwgiw ak nid saman.

Ezekiel 3:1

Inkuan na Dios, “Sika a toon ompatey, akan mo yan nilokut a babasaen; insan ka onlan mansalita ed saray totood Israel.”

Saray Hebreo 10:7

Insan inkuanko, ‘Nia ak, O Dios! Sipaparaan ak a mangonur na linawam onung na nisulat nipaakar ed siak diad libroy Ganggan.’”

Daniel 5:5

Kabebekta walay pinmayawar a limay too, insan nansulat ed palitada na padir na palasio, diad pakawawandagan na ontan lan liwawa na saray lamparaan. Anengneng na ari imay mansusulat a lima.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Jeremias 36:4

Kanyan tinawag koy Baruc a lakin anak nen Nerias, tan indiktak ed sikato ya amin iray imbaga na Katawan ed siak. Insulat iran amin nen Baruc diad sakey a nilokut a papil.

Zacarias 5:1

Ninmengneng ak lamet, et anengneng koy sakey a nilokut a babasaen ya ontitikyab ed tagey.

Zacarias 5:3

Insan inkuantod siak, “Nisulat ed saman a babasaen so samba ya onsabi ed intiron dalin. Diad sakey a dapag na samay babasaen, ibabaga to a napagit ed dalin iray amin a matakew; tan diad sakey a dapag ibabaga to a napagit ya amin iray totoo a mansasambad pantitila ra.