Ezekiel 19:9 - Maung A Balita Biblia

⁹ Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.

Maung a Balita Biblia

⁹ Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.

Ezekiel 19:9 Referans Kwoze

2 Saray Awaran 36:6

Nilooban nen Ari Nabucodonosor na Babilonia so Juda, adakep toy Joakim, tan inawit ton agolunggolungan ed Babilonia.

Ezekiel 6:2

Inkuanto, “Sika a toon ompatey, bantag kad kapalandeyan na Israel tan mampropisiya ka na sumpad sikara.

Ezekiel 36:1

Say Katawan kuanto, “Sika a toon ompatey, mansalita kad kapalandeyan na Israel tan ibagam ya ondengel ira ed ibabagak ed sikara,

Ezekiel 19:7

Nililingkay to ray tirinsira, dinederal to ray baley. Kapag mangwam natatakot la ray katoowan ed dalin.

2 Saray Arari 24:15

Inawit nen Nabucodonosor si Joakin a priso ed Babilonia, pati say ina nen Joakin, saray asawa to, saray opisyal to, tan saray manonan totoo ed Juda.

2 Saray Arari 19:28

Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.”

2 Saray Arari 23:33

Nansamput so impanoley to nen adakep nen Ari Neco na Egipto, insan to inawit ed Ribla, diad dalin na Hamat. Impanbuis nen Ari Neco so Juda na talon libo tan liman lasus a kilon pilak, tan talomplo tan liman kilon balituk.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Ezekiel 34:4

Ag yo inasikaso iray makapoy, ag yo tinambal iray mansasakit, ag yo binerber so sugat da ray asugat, ag yo pinapawil iray akar-akar, odino inanap iray abalang. Pinapairap yo ra lalaingen.