Ezekiel 19:6 - Maung A Balita Biblia

⁶ Nen nagmaliw lan baleg a lion, nanaakar-akar a kaiba toy arum a lion. Naaralan to met so mananup tan nagmaliw a managsiray too.

Maung a Balita Biblia

⁶ Nen nagmaliw lan baleg a lion, nanaakar-akar a kaiba toy arum a lion. Naaralan to met so mananup tan nagmaliw a managsiray too.

Ezekiel 19:6 Referans Kwoze

2 Saray Awaran 36:9

Labinwaloy taon nen Joakin nen nagmaliw ya ari na Juda, tan nanoley ed Jerusalem na taloy bulan tan samploy agew. Nanggagawa met na kaogsan ed arap na Katawan.

2 Saray Awaran 36:5

Duamplo tan limay taon nen Joakim nen nagmaliw ya ari na Juda, tan nanoley ed Jerusalem na labinsakey taon. Nanggagawa na kaogsan ed arap na Katawan a Dios to.

2 Saray Arari 24:9

Nanggagawa na kaogsan ed arap na Katawan si Joakin, a singa ginagawa nen ama to.

Ezekiel 19:5

Nanalagar imay ina ya anggad naandian la na ilalo. Insan pinabaleg to lamet so sakey ya anak to, et binmaleg yan anak to a sakey a masebeg a lion.

Ezekiel 19:7

Nililingkay to ray tirinsira, dinederal to ray baley. Kapag mangwam natatakot la ray katoowan ed dalin.

Ezekiel 34:4

Ag yo inasikaso iray makapoy, ag yo tinambal iray mansasakit, ag yo binerber so sugat da ray asugat, ag yo pinapawil iray akar-akar, odino inanap iray abalang. Pinapairap yo ra lalaingen.