Ezekiel 19:14 - Maung A Balita Biblia

¹⁴ Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Maung a Balita Biblia

¹⁴ Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Ezekiel 19:14 Referans Kwoze

Ezekiel 19:11

Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Ezekiel 19:1

Imbagad siak na Dios a kantaen ko yan maermen a kanta a para saray duaran prinsipi na Israel:

2 Saray Arari 24:20

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda.

Juan 19:15

Inmeyag iray maksil, “Patey mo! Patey mo! Ipasak mod krus!” Inkuanen Pilato ed sikara, “Anto, ipasak kod krus so ari yo?” Inmebat iray manonan papari, “Anggapoy arum ya ari mi no ag say Impirador labat!”

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Oseas 10:3

Ag mabayag sarayan totoo ikuanda, “Anggapoy ari mi lapud ag mi tinakotan so Katawan. Balet, anto lamlamang so nitulong na ari ed sikami?”

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Ezekiel 15:4

Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Jeremias 52:3

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda. Linmaban si Sedekias ed Ari Nabucodonosor na Babilonia.

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Saray Salmo 79:7

Ta pinapatey da ray totoom, tan dinederal day bansam.

Nehemias 9:37

Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Saray Huis 9:15

Inmebat imay masabit ya abeban kiew, ‘No tuan labay yon pagmaliwen ak ya ari yo, gali dia sirin ta sirum kayod silong ko. No ag kayo, ompugsoy manliub ya apoy a manlapud saray masabit a sangak tan poolan to ray kiew a sidro ed Libano.’

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Saray Salmo 110:2

Manlapud Sion, say Katawan palaknaben toy pakayarim ya ari. “Oleyan mo ray kalaban mo,” kuanto.

Ezekiel 17:10

On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?”

Ezekiel 20:48

Nanengneng da a siak a Katawan so angigapo na pool tan anggapoy toon makaerep.”

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.