Ezekiel 19:13 - Maung A Balita Biblia

¹³ Nitanem la natan ed kalawakan, diad amaga tan anggapoy danum a dalin.

Maung a Balita Biblia

¹³ Nitanem la natan ed kalawakan, diad amaga tan anggapoy danum a dalin.

Ezekiel 19:13 Referans Kwoze

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Ezekiel 19:10

Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.

Ezekiel 20:35

Iyakar ta kayod ‘Kalawakan da ray Bansa,’ tan dimay panintinsiaan kod sikayo ed lupa-lupaan.

Saray Salmo 68:6

Iitdan toy abung a panayaman so toon maermen, tan paliliketen to ray priso diad pangibolus tod sikara, balet nepeg a manayam ed kalawakan iray totoon mananumpa.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’

2 Saray Awaran 36:20

Siopaman ya apaliisan toy patey et inawit ira nen Nabucodonosor ed Babilonia, tan diman to ra inaripen, pati saray kabyangay boleg da, ya anggad inkiletneg na Impirio na Persia.