Ezekiel 19:12 - Maung A Balita Biblia

¹² Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Maung a Balita Biblia

¹² Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Ezekiel 19:12 Referans Kwoze

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Ezekiel 17:10

On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?”

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Ezekiel 19:11

Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Ezekiel 15:4

Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?

Jeremias 31:28

Onung na impangasikasok ed impamagut, impangibalsak, impangipatalo, impaneral, tan impamataynan kod sikara, ontan met so pangasikasok ed pangiletneg tan pamasimbaloy kipapasen da.

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Saray Salmo 80:16

Pinoolan na saray kalaban mi tan binatang da; moldagatan mo pa rad pasnuk mo tan patey mo ra!

Saray Salmo 52:5

Kanyan say Dios deralen to ka ya anggad angga; singkaten to ka tan ipaway to kad panaayaman mo; ekalen to kad dalin da ray mabilay.

2 Saray Arari 24:6

Inatey si Joakim, insan sinmalat ed sikaton nanari si Joakin a lakin anak to.

2 Saray Arari 23:34

Si Ari Neco impasen ton ari na Juda si Eliakim a lakin anak nen Josias. Insalat tod kinen Josias tan sinalatan toy ngaran to na Joakim. Inawit nen Neco si Joacaz ed Egipto, tan diman la inatey.

2 Saray Arari 23:29

Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Ezekiel 15:2

“Sika a toon ompatey,” kuanto, “panon ya ipara so kaabigan ya iter na wakal na ubas ed sakey a kiew? Anto so kaabigan na sangay kiew ya ubas no ipara ed saray kiew ed katakelan?