Ezekiel 19:11 - Maung A Balita Biblia

¹¹ Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Maung a Balita Biblia

¹¹ Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Ezekiel 19:11 Referans Kwoze

Ezekiel 31:3

Singa kayo sakey a kiew a sidro ed Libano, A marakerakep iray masalumpapak a sanga-sanga to, Sakey a kiew ya atagtagey a nasasabi toy kaloreman.

Daniel 4:11

Binmiskeg tan inmatagey ya anggad asabi to so tawen tan nanengneng na amin a totoo ed intiron mundo.

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!

Ezekiel 21:13

Susuboken ko ray totook, et no ag ira magbabawi, nagawa yan amin ed sikara.

Ezekiel 21:10

Niyobul a mamatey, apasileng ya onkidyam a singa kirmat. Anggapoy nagawan panliliket, lapud ag inasasikaso na saray totoo so pasakbay tan say dusa.

Ezekiel 19:14

Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Saray Salmo 110:2

Manlapud Sion, say Katawan palaknaben toy pakayarim ya ari. “Oleyan mo ray kalaban mo,” kuanto.

Saray Salmo 80:17

Iyagel tan asikasom pa ray totoom a pinilim, say bansan ginawam a mabisbiskeg.

Esdras 5:11

“Inebatan da kami, ‘Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

Esdras 4:20

Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Levitico 23:40

Diad satan ya agew mangala kayoy pigaran sankaabigan a bungay kiew, saray sangay kiew a palmira tan saray sangay mabolung a kiew tan igapo yoy mampista a pangigalang yod Katawan a Dios yo.

1 Saray Arari 5:1

Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.