Ezekiel 19:10 - Maung A Balita Biblia

¹⁰ Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.

Maung a Balita Biblia

¹⁰ Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.

Ezekiel 19:10 Referans Kwoze

Deuteronomio 8:7

Say Katawan a Dios yo et iyakar to kayo ed sakey a mataban dalin—sakey a dalin a wala ray ilog tan kolus to, walad dalem to iray sobul ya onaagus ed saray patar tan kapokdulan;

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Ezekiel 19:2

Talagan singa lion so ina yo! Pinabaleg to ray anak tod kawalaan da ray masebeg a lalakin lion.

Ezekiel 17:6

Tinmubo may tanaman tan nagmaliw ya abeba tan malambut a sengeg na ubas. Tinmagey ya amaarap ed samay agila iray sanga to, tan nampaaralem iray lamut to. Akobutan na sanga-sanga tan bolubolung iray wakal to.

Deuteronomio 8:9

Ag kayon balut naerasan diman odino niwala kayod pankaukolan. Walay naalan balatyang ed saray ankakabaleg a bato to, tan gansa ed saray kapokdulan to.

Juan 15:1

“Siak so tuan sengeg na ubas, tan si Amak so managtanaman.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Saray Salmo 128:3

Diad abung mo magmaliw a singa mabungan ubas so asawam, tan magmaliw iray anak mo a singa malangwer iran kiew na oliba diad kaliber-liber na lamisaan mo.

Ezekiel 19:13

Nitanem la natan ed kalawakan, diad amaga tan anggapoy danum a dalin.