Ezekiel 19:1 - Maung A Balita Biblia

¹ Imbagad siak na Dios a kantaen ko yan maermen a kanta a para saray duaran prinsipi na Israel:

Maung a Balita Biblia

¹ Imbagad siak na Dios a kantaen ko yan maermen a kanta a para saray duaran prinsipi na Israel:

Ezekiel 19:1 Referans Kwoze

Ezekiel 27:2

“Sika a toon ompatey, kantaan mo na para tolur so Tiro,

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.

2 Saray Arari 24:6

Inatey si Joakim, insan sinmalat ed sikaton nanari si Joakin a lakin anak to.

Ezekiel 19:14

Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

2 Saray Arari 24:12

insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

2 Saray Arari 23:34

Si Ari Neco impasen ton ari na Juda si Eliakim a lakin anak nen Josias. Insalat tod kinen Josias tan sinalatan toy ngaran to na Joakim. Inawit nen Neco si Joacaz ed Egipto, tan diman la inatey.

Ezekiel 32:18

Inkuanto, “Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Ezekiel 32:16

Magmaliw a kantan para tolur iyan makapaermen a pasakbay. Kantaen ya na saray bibii ed saray bansa diad panermen dad Egipto tan amin da ray totoo to. Siak a Katawan a Dios so nansalita.”

Ezekiel 27:32

Kinantaan da ka na sayan kanta a para tolur: ‘Siopay mipara ed Tiro ya aderal ed pegley na dayat?

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Jeremias 24:8

“No panon a sarayan aliwaliwan bungay igos et ag nayari ran kanen, ontan met so gawaen ko, siak a Katawan, ed kinen Ari Sedekias na Juda, saray katambayan tod oley, tan saray arum a totood Jerusalem ya atilak ed sayan dalin odino batik ed Egipto.

Jeremias 24:1

Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

2 Saray Awaran 36:6

Nilooban nen Ari Nabucodonosor na Babilonia so Juda, adakep toy Joakim, tan inawit ton agolunggolungan ed Babilonia.

2 Saray Awaran 36:3

Adakep nen Ari Neco na Egipto si Joacas tan impanbuis toy Juda na talon libo tan liman lasus a kilon pilak, tan talomplo tan liman kilon balituk.

2 Saray Awaran 35:25

Nanggaway propita Jeremias na kantan panermen ed kinen Ari Josias, tan nagmaliw ed Israel a kantaen ya na saray lalaki tan bibii no manermen irad sikato. Narumog yan kanta ed tipon na saray kantan panermen.

Ezekiel 19:2

Talagan singa lion so ina yo! Pinabaleg to ray anak tod kawalaan da ray masebeg a lalakin lion.

Ezekiel 28:12

Inkuanto, “Sika a toon ompatey, manermen ka lapud makapasinagem a nagawad ari na Tiro. Ibagam ed sikato so ibabagak, siak a Katawan a Dios: Sika nen saman so oliran na inkayadyari! Agay lay kakabatan tan kinaguapom nen saman!

Ezekiel 32:2

Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Amos 5:1

Dengel kayo, sikayon totood Israel, ed sayan kantan para tolur a kantaen kod sikayo: