Ezekiel 18:4 - Maung A Balita Biblia

⁴ Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Maung a Balita Biblia

⁴ Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Ezekiel 18:4 Referans Kwoze

Ezekiel 18:20

Say nankasalanan sikato so ompatey. Say anak et ag nadusa lapud saray kasalanan na ama to, odino say ama lapud saray kasalanan nen anak to. Natumangan so toon matonung lapud saray kamaungan a gagawaen to, tan nadusa so toon maoges lapud saray kaogsan a gagawaen to.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

TAGA GALACIA 3:22

Balet ibabagay Masanton Sulat ya amin a katoowan et aripen iray kasalanan, pian diad ontan diad panamegley na pananisiad Jesu-Cristo et niiter ed saray mananisia so sipay Dios.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Saray Bilang 27:16

“Katawan a Dios, a panlalapwan na amin a bilay, pikasik ed sika a manoro ka na sakey a lakin nayarian ton iwanwan iray totoo

2 Saray Arari 14:6

Balet ag to pinatey iray anak da, no ag ingen tinombuk toy ibabagay Katawan onung ed Ganggan nen Moises: “Ag nepeg a pateyen iray atateng, lapud saray kasalanan a ginawa na saray anak da, tan ag nepeg a pateyen iray anak, lapud saray kasalanan a ginawa na saray atateng da; nepeg a pateyen so sakey a too, lapud kasalanan a ginawa ton dili.”

Say Libro nen Job 21:20

Ipaako yod saray makasalanan so dusa ran dili; ipalikna yod sikara so sanuk na Makapanyarin-amin a Dios.

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Jeremias 31:30

Ingen say nagawa onya: Siopamay mangan na anakseng ya ubas, nakilem so dilin ngipen to, tan ompatey so balang sakey lapud dilin kasalanan to.”

Ezekiel 18:3

“Legan a siak so mabilay a Dios,” kuay Katawan a Dios, “ag yo la oliten yan probirbio ed Israel.

Ezekiel 18:5

“Bilbilang a walan tuay matonung, maung, tan maptek a sakey a too.

Ezekiel 33:8

No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.

Deuteronomio 24:16

“Ag nepeg a pateyen iray ateng lapud kasalanan a ginawa na saray anak da, tan ag nepeg a pateyen iray anak lapud saray kasalanan a ginawa na saray ateng da; say sakey a too nepeg a pateyen lapud kasalanan a sikaton diliy nanggawa.

Say Libro nen Job 8:4

Nankasalanan angangko ed Dios iray anak mo, kanyan dinusa to ra onung ed kanepegan da.

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.