Ezekiel 18:32 - Maung A Balita Biblia

³² Ag ko labay ya ompatey so siopaman,” Kuay Katawan a Dios. “Ikaindan yo la ray kasalanan yo et mansiansia kayon mambilay.”

Maung a Balita Biblia

³² Ag ko labay ya ompatey so siopaman, Kuay Katawan a Dios. Ikaindan yo la ray kasalanan yo et mansiansia kayon mambilay.

Ezekiel 18:32 Referans Kwoze

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Ezekiel 18:23

Abaloan yo a maliket ak a makanengneng ed maoges a too ya ompatey?” tepet na Katawan a Dios. “Andi, labay ko nin sikatoy nanengneng kon magbabawi tan mambilay.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Saray Tagleey 3:33

Ag to panliketan so pamasakit odino pamaermen tod sikatayo.

1 Timoteo 2:4

a labay ton nilaban ya amin iray katoowan tan nakabatan day katwaan.

Say Libro nen Job 37:23

Ontan lay kabaleg na pakapanyari na Dios, kanyan ag itayo makaasingger ed sikato; matonung tan maptek so pipiolup tod katoowan.

Isaias 31:6

Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Zacarias 1:3

balet natan kuankod sikayo, ‘Pawil kayod siak, et ompawil ak ed sikayo.