Ezekiel 18:27 - Maung A Balita Biblia

²⁷ No ontondan mankasalanan so toon maoges tan manggawa lay kaptekan tan kamaungan, nilaban to so bilay to.

Maung a Balita Biblia

²⁷ No ontondan mankasalanan so toon maoges tan manggawa lay kaptekan tan kamaungan, nilaban to so bilay to.

Ezekiel 18:27 Referans Kwoze

Ezekiel 18:21

“No say toon maoges et ontondan mankasalanan tan onuren to ray ganggan ko, no gawaen toy kaptekan tan say kamaungan, sikatoy ag ompatey; andi-duaruwan mambilay.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

1 Timoteo 4:16

Asikasom so sikan dili tan say ibabangat mo. Ituloy mon gawaen ira ya, ta diad panggawam ilaban moy sikan dili tan saray ondengel ed sika.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Ezekiel 33:5

Kasalanan toy impatey to, lapud ag to inngalngalep so pasakbay. No dinengel to may pasakbay, akabatik komun.

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Ezekiel 18:26

No say toon matonung et ontondan manggaway kamaungan tan onggapon manggaway kaogsan insan ompatey, saray ginagawa ton kaogsan so makasengeg na impatey to.

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Ezekiel 33:14

Nayarin pasakbayan koy toon maoges a sikatoy ompatey, balet no ontondan mankasalanan tan gawaen toy kaptekan tan kamaungan—