Ezekiel 18:23 - Maung A Balita Biblia

²³ Abaloan yo a maliket ak a makanengneng ed maoges a too ya ompatey?” tepet na Katawan a Dios. “Andi, labay ko nin sikatoy nanengneng kon magbabawi tan mambilay.

Maung a Balita Biblia

²³ Abaloan yo a maliket ak a makanengneng ed maoges a too ya ompatey? tepet na Katawan a Dios. Andi, labay ko nin sikatoy nanengneng kon magbabawi tan mambilay.

Ezekiel 18:23 Referans Kwoze

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

1 Timoteo 2:4

a labay ton nilaban ya amin iray katoowan tan nakabatan day katwaan.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Ezekiel 18:32

Ag ko labay ya ompatey so siopaman,” Kuay Katawan a Dios. “Ikaindan yo la ray kasalanan yo et mansiansia kayon mambilay.”

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 15:10

Ontan met, kuankod sikayo, so panliket na saray anghil na Dios lapud sakey a toon mampataulid saray kasalanan to.”

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Saray Tagleey 3:33

Ag to panliketan so pamasakit odino pamaermen tod sikatayo.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Say Libro nen Job 37:23

Ontan lay kabaleg na pakapanyari na Dios, kanyan ag itayo makaasingger ed sikato; matonung tan maptek so pipiolup tod katoowan.

2 Samuel 14:14

Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.