Ezekiel 18:2 - Maung A Balita Biblia

² tan inkuanto, “Anto ta yay probirbio ya olit-oliten ya ibaga na saray totoo ed dalin na Israel? ‘Kakanen na saray atateng so ubas ya anapseng, Balet saray anak so nakikilem.’

Maung a Balita Biblia

² tan inkuanto, Anto ta yay probirbio ya olit-oliten ya ibaga na saray totoo ed dalin na Israel? Kakanen na saray atateng so ubas ya anapseng, Balet saray anak so nakikilem.

Ezekiel 18:2 Referans Kwoze

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Ezekiel 37:19

ibagam ed sikara a siak a Katawan a Dios et alaen ko so bislak ya ilalaman toy Israel, insan ko ilatup ed sakey a bislak ya ilalaman toy Juda. Pagmaliwen ko ran saksakey a bislak, insan ko ra bembenan ed limak.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 17:12

“Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

Isaias 3:15

Anggapoy kanepegan yon mamairap ed saray totook tan mamasegsegang ed saray mairap-bilay. Siak, say Katawan a Dios a Makapanyarin-amin, so nansalita.”

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”

Mateo 23:36

Kuankod sikayon tua: napelag so dusa ed saray totood sayan panaon lapud amin da ra yan inkagawa!”

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Say Libro nen Job 21:19

Ibabaga yo a say Dios dusaen toy anak lapud saray kasalanan na ama to. Andi! Padusa yod Dios iray makasalanan, tan ipanengneng tod sikara a dusaen to ra lapud saray dilin kasalanan da.

Ezekiel 12:22

Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?

Ezekiel 16:44

Inkuan na Katawan, “Jerusalem, ikana na saray totoo ira yan probirbio a nipaakar ed sika: ‘Say ina kapara toy anak ton bii.’

Ezekiel 18:1

Say Katawan akisalitad siak

Ezekiel 18:3

“Legan a siak so mabilay a Dios,” kuay Katawan a Dios, “ag yo la oliten yan probirbio ed Israel.

Ezekiel 18:19

“Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.