Ezekiel 18:19 - Maung A Balita Biblia

¹⁹ “Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Maung a Balita Biblia

¹⁹ Balet tetepeten yo, Akin et ag nadudusa so anak, lapud kasalanan na ama to? Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Ezekiel 18:19 Referans Kwoze

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Ezekiel 18:9

Oonuren to ray ganggan ko tan aapigeren ton sumpalen iray bangat ko. Sayan too so tuan matonung, et sikatoy mambilay,” kuay Katawan a Dios.

Ezekiel 18:2

tan inkuanto, “Anto ta yay probirbio ya olit-oliten ya ibaga na saray totoo ed dalin na Israel? ‘Kakanen na saray atateng so ubas ya anapseng, Balet saray anak so nakikilem.’

Deuteronomio 5:9

Ag ka ondadakmomo, ni mangigagalang ed saraya, ta siak, say Katawan a Dios mo et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Ezekiel 20:30

Natan, ibagam ed saray Israelita so ibabagak: Akin et gagawaen yo ray kasalanan a ginagawa da ray lalaki yo tan labalabay yon panlingkuran iray talintaoy diriyos da.

Ezekiel 20:24

Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

2 Saray Arari 23:26

Balet ag ni kinmepa ya anggad natan so mapalalon pasnuk na Katawan ed Juda lapud saray ginagawa nen Ari Manases.

Ezekiel 18:18

Balet si ama to, et nansasaol tan nantatakew tan nanggagaway kaogsan ed balang sakey a too. Kanyan inatey lapud saray dilin kasalanan to.

Ezekiel 33:10

Say Katawan akisalitad siak. Inkuanto, “Sika a toon ompatey, olit mon ibagad saray Israelita so sasalitaen da: ‘Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?’