Ezekiel 18:17 - Maung A Balita Biblia

¹⁷ Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Maung a Balita Biblia

¹⁷ Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Ezekiel 18:17 Referans Kwoze

Malakias 3:7

Singa saray lalaki yo nen saman, impolisay yo ray ganggan ko tan ag yo ra inonur. Pawil kayod siak, et ompawil ak ed sikayo. Balet tetepeten yo, ‘Antoy gawaen mi, pian makapawil kamid sika?’

Daniel 4:27

Kanyan, Kagalang ya Ari, tombuk mo pay simbawak. Tondaan mo lay mankasalanan, manggawa ka lay katonungan, tan kasian mo ray mairap-bilay. Diad satan mansiansia kan onaligwas.”

Ezekiel 33:13

Nayarin isipan kon mambilay so maung a too, balet no nunoten ton masarag la ray ginagawa ton kamaungan insan igapo toy mankasalanan, ag ko nunoten so antokaman a ginagawa ton kamaungan. Ompatey lapud saray kasalanan to.

Ezekiel 20:30

Natan, ibagam ed saray Israelita so ibabagak: Akin et gagawaen yo ray kasalanan a ginagawa da ray lalaki yo tan labalabay yon panlingkuran iray talintaoy diriyos da.

Ezekiel 20:18

Ingen, pinasakbayan kod man iray tobun-balo. Ag yo oonuren iray ganggan a ginagawa na saray lalaki yo; ag yo aaligen iray ogali ra odino dodotakan so sikayon dili diad pidios yod saray talintaoy diriyos da.

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 3:21

No pasakbayan mon ag mankasalanan so sakey a toon matonung, et dengelen to ka tan ag mankasalanan, mansiansian mambilay, tan nilaban moy bilay mo.”

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Probirbio 29:7

Say maung a too kabat to ray kanepegan da ray mairap-bilay, balet saray totoon maoges ag da natatalusan ira yan bengatla.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Say Libro nen Job 29:16

Singa ak ama ed saray mairap-bilay, tan akigampi ak ed saray sangkailin walay gunigon.

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

Levitico 18:26

Ginawa ra yan amin a mabambanday a kagagawa kanyan dinotakan day dalin, balet ag nepeg a gawaen yo ra ya. Amin yo, Israelita kayo man odino sangkaili, nepeg ya onuren yo ray ganggan na Katawan tan saray bilin to,

Levitico 18:4

Sumpal yo ray ganggan ko tan tombuk yo ray bilin kod sikayo. Siak so Katawan a Dios yo.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Ezekiel 18:18

Balet si ama to, et nansasaol tan nantatakew tan nanggagaway kaogsan ed balang sakey a too. Kanyan inatey lapud saray dilin kasalanan to.

Saray Salmo 119:3

Ag iran balut manggagaway maoges; mankukurang irad saray dalan na Katawan.