Ezekiel 18:13 - Maung A Balita Biblia

¹³ tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Maung a Balita Biblia

¹³ tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 18:13 Referans Kwoze

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Levitico 20:9

Say Katawan inter to ray onggendan a totontonen. Siopamay mangisamba na ama to odino ina to et nepeg a pateyen; sikaton dili so makasengeg na ipatey to.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Ezekiel 18:32

Ag ko labay ya ompatey so siopaman,” Kuay Katawan a Dios. “Ikaindan yo la ray kasalanan yo et mansiansia kayon mambilay.”

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Ezekiel 18:17

Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Levitico 20:27

“Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

1 Saray Arari 2:37

No ompaway tan labasan moy Kolus na Kidron, andi-duaruwan ompatey ka, et sikan diliy natetel.”

Ezekiel 33:8

No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.

Say Libro nen Job 34:11

Tutumangan to ray totoo ed saray gagawaen da, tan iiter tod sikaray kanepegan da.