Ezekiel 17:24 - Maung A Balita Biblia

²⁴ Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.”

Maung a Balita Biblia

²⁴ Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.

Ezekiel 17:24 Referans Kwoze

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Isaias 26:5

Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Ezekiel 21:26

Siak a Katawan a Dios so nansalita. Ekal moy koronam tan say turban mo. Naoman ya amiy bengatla. Itagey mod pakayari iray mairap-bilay! Iyabebam ed kipapasen iray manoley!

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Say Libro nen Job 5:11

Say Dios so mangitanduro ed saray totoon mapaabeba tan diad saray maermen iter toy gayaga.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

Mateo 24:35

Naandipat so tawen tan dalin, balet ag balut naandipat iray salitak.”

Saray Salmo 89:45

Pinatikey moy panaon na kabisbiskegan to, tan impelag mod kababaingan.

Saray Salmo 89:38

Balet mamapasnuk kad pinilim ya ari; inkaindan tan impolisay mo.

Say Libro nen Job 40:12

On, nengneng mo ra tan itumbam ira; igatin mo ray maoges a totoo ed kawalaan da.

Lucas 21:33

Naandipat so tawen tan dalin, balet ag balut naandipat iray salitak.”

Saray Bilang 17:8

Diad ontombuk ya agew, nen linmay Moises ed dalem na Tulda, anengneng ton nansanga may baston nen Aaron a mangilalaman na tribu nen Levi. Nansimit, nanrosas, tan nambunga na aloton almindras!

Isaias 22:19

Say Katawan ekalen tan iyabeba to kad atagey a kipapasen mo.”

Ezekiel 18:1

Say Katawan akisalitad siak

Ezekiel 36:36

Diad satan saray siudad ed kaliber-liber ya ag aderal et naamtaan da a siak a Katawan so amasimbalon amaalagey ed saray aderal-deral a siudad tan amatanem ed saray apaolyan a kaalogan. Siak a Katawan so angisipan a gawaen koy onya—et tuan gawaen ko.”

Daniel 5:21

Niarawid kawalaan na saray totoo, tan nagmaliw a panagnunot na ayep so panagnunot to. Nanaayam ed pasen a kaiba to ray asnod katakelan, singa bakan nanaakan na dika, tan nanoogip ed pasen ya anggapoy tarung, kanyan alitlinaewan. Onmay kipapasen to ya anggad sinmabiy panaon a binirbir ton walad silong na pakaoley na Sankatageyan a Dios iray amin a nanarian tan nayarian to ran iter ed siopaman a labay ton pangitdan.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”