Ezekiel 17:22 - Maung A Balita Biblia

²² Sikato ya so ibabaga na Katawan a Dios: “Alaen koy toktok na atagey a kiew a sidro tan mamoter ak na sibwal ton sanga; itanem ko ed atagey a palandey,

Maung a Balita Biblia

²² Sikato ya so ibabaga na Katawan a Dios: Alaen koy toktok na atagey a kiew a sidro tan mamoter ak na sibwal ton sanga; itanem ko ed atagey a palandey,

Ezekiel 17:22 Referans Kwoze

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Saray Salmo 72:16

Dakel komuy naani ed dalin; natoboan komun na tantanaman iray nipokpokdul a pasen, tan mabunga ran singa saray walad Libano. Napano komun na totoo iray siudad, a singa karakel na malambut a dikarikad alog.

Daniel 2:35

Insan biglan akusbo ira may balatyang, dalin, gansa, pilak, tan balituk, tan nagmaliw iran singa dabuk ed panagilikan no tiagew. Intikyab iran amin na dagem, et anggapoy nakdaan a pakatontonan ed kawalaan da. Balet binmaleg imay bato tan nagmaliw a palandey a sinakuban toy intiron mundo.

Ezekiel 37:22

Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.