Ezekiel 17:18 - Maung A Balita Biblia

¹⁸ Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.”

Maung a Balita Biblia

¹⁸ Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.

Ezekiel 17:18 Referans Kwoze

1 Saray Awaran 29:24

Saray amin ya opisyal tan saray amin a sondalo, tan saray amin a lalakin anak nen David et nansipan iran matoor ed kinen ari Solomon.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

Saray Tagleey 5:6

Linma kamid Asiria tan Egipto ya akikerew, pian nawalaan kamiy magenap a napambilay.

2 Saray Arari 10:15

Intuloy nen Jehu so panaakar to, tan diad dalan nabet nen Jonadab a lakin anak nen Recab. Imbano nen Jehu tan kuanto, “Sika tan siak et namparay kanunotan ta. Antoy kuanmo, tulongan mo ak?” “On, tulongan ta ka,” ebat nen Jonadab. “Iderew mod siak sirin so limam,” ebat nen Jehu. Nambenbenan iray lima, insan tinulongan nen Jehu ed inlogan tod karwahi,

Ecclesiastes 8:2

Onur mo ray ganggan na ari, tan ag ka bengatbengat mansisipan ed Dios.

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Ezekiel 17:16

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan ompatey ed Babilonia yan ari, lapud sinumlang toy samba to tan say impipakna to ed ari na Babilonia ya angipayorung ed sikatod trono.

Ezekiel 17:19

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan dusaen ko so arid Juda, lapud sinumlang to so paknaan a sinambaan tod ngaran ko ya onuren.

Ezekiel 21:23

Ag ya sisiaen na saray totood Jerusalem, lapud saray paknaan a ginawa ra. Balet sayan pasakbay et mangipanunot ed sikara na saray kasalanan da tan pasakbayan to ran nadakep ira.