Ezekiel 16:9 - Maung A Balita Biblia

⁹ “Insan angala ak na danum tan inorasan koy dala ed laman mo. Pinoyukan ko na larak so baog mo.

Maung a Balita Biblia

⁹ Insan angala ak na danum tan inorasan koy dala ed laman mo. Pinoyukan ko na larak so baog mo.

Ezekiel 16:9 Referans Kwoze

Saray Salmo 23:5

Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

Ruth 3:3

Kanyan manames ka, mampabalingit ka, tan isolung moy sankarakepan a kawes mo. Insan lakad panagilikan, balet ag mo ipapalikas a wadman ka anggad ag ni asumpal ya angan tan inminom.

1 Juan 5:8

say Ispiritu, say danum, tan say dala; et mankakasakey ira yan talo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

2 CORINTO 1:21

Ta say Dios so mamapaelet na pikakasakey mi tan sikayo ed Cristo. Say Dios met so amilid sikami.

1 CORINTO 10:2

Kanyan diad lorem tan dayat, amin da abinyagan a mananombuk nen Moises.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 16:4

Nen nianak ka, anggapoy amoseg ed sika, odino angoras ed sika, odino angosagos ed sika na asin, odino amalkut ed sika na abel.

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Ezekiel 16:10

Sinolungan ta kay nambordan kawes tan initdan ta kay sapatos a balibaliy katat to; initdan ta ka met na linen a bandana tan sidan kolibemben.