Ezekiel 16:61 - Maung A Balita Biblia

⁶¹ Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Maung a Balita Biblia

⁶¹ Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Ezekiel 16:61 Referans Kwoze

Saray Hebreo 8:13

Nen asalitay Dios so nipaakar ed balon sipanan, labay ton ibaga ya anggapo lay kakanaan to may onaan a sipanan; tan asingger lan naandipat so antokaman a dinmaan tan naandian lay kakanaan.

TAGA-EFESO 3:6

Saya so niamut a katwaan: diad panamegley na Maung a Balita, saray Hintil et kapara da ray Judio a mananawir na bindisioy Dios, nampara ran kabyangay saksakey a laman, tan minanabang irad sipay Dios lapud Cristo Jesus.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 11:11

Tepeten ko pa sirin: Atumba ra kasiy Israelita, pian ag la ra makabangon? Andi! No ag ta diad impankasalanan da, sinmabiy kilalaban ed saray Hintil, pian pangimonan iray Israelita.

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Saray Salmo 119:59

Ninunot koy kagagawak, et isisipan kon tombuken iray ganggan mo.

Ezekiel 43:10

Intuloy na Katawan ya inkuan, “Sika a toon ompatey, ibagam ed saray totood Israel so nipaakar ed Timplo, tan paaral mod sikara so plano to. Pagmaliw mo ran ombaing lapud saray maoges a gagawaen da!

Ezekiel 44:13

Ag ira nepeg a manlingkur ed siak a papari, odino onsingger irad bengatlan masanto ed siak, odino onloob ed Sankasantosan a pasen. Sikato yay dusa ra lapud saray makapaingungot a ginagawa ra.

Ester 9:27

ginawa ran sakey a totontonen da, saray kabyangay boleg da, tan siopaman a magmaliw a Judio, a diad manepeg a panaon na kapag taon pistaan da ra yan duaran agew onung ed saray bilin nen Mardokeo.

Ezekiel 36:22

“Natan sirin, salitam ed saray Israelita yan ibabagak ed sikara, siak a Katawan a Dios: Say gawaen ko et aliwan sikayoy makasengeg, Israelita, no ag ingen say masanton ngaran ko ya impelag yod kababaingan diad iner man a bansan nila yo.

Saray Hebreo 7:12

Ta no apasimbaloy inkapari, nakaukolan a napasimbalo met so ganggan.