Ezekiel 16:59 - Maung A Balita Biblia

⁵⁹ Say Katawan a Dios kuanto, “Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

Maung a Balita Biblia

⁵⁹ Say Katawan a Dios kuanto, Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

Ezekiel 16:59 Referans Kwoze

Ezekiel 17:19

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan dusaen ko so arid Juda, lapud sinumlang to so paknaan a sinambaan tod ngaran ko ya onuren.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Ezekiel 14:4

“Natan misalita kad sikara tan ibagam so ibabagak ed sikara, siak a Katawan a Dios: Balang Israelita ya inter toy puso tod saray talintaoy diriyos tan aabuloyan to ran iwanwan dad kasalanan, insan onlan mangipanon ed sakey a propita, makaawat na ebat a manlapud siak—ebat a kanepegan na saray amayamay a talintao to!

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 22:9

Insan onebat ira a say makasengeg et say impangikaindan yoy impisipanan yod siak a Dios yo, tan say impangigalang tan say impanlingkur yod saray arum a diriyos.”

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Deuteronomio 29:24

Insan amin da ray totood intiron mundo tepeten da, ‘Akin et ginawa ya na Katawan ed dalin da? Antoy makasengeg a mapalaloy pasnuk to?

Ezekiel 7:3

“Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.