Ezekiel 16:57 - Maung A Balita Biblia

⁵⁷ tan kasakbayan na inkiparontal na kaogsan mo? Natan nagmaliw kan singa sikato—sikay lelemlemewen na saray Edomita, saray Filisteo, tan saray arum a kakaabay mon mamobusol ed sika.

Maung a Balita Biblia

⁵⁷ tan kasakbayan na inkiparontal na kaogsan mo? Natan nagmaliw kan singa sikatosikay lelemlemewen na saray Edomita, saray Filisteo, tan saray arum a kakaabay mon mamobusol ed sika.

Ezekiel 16:57 Referans Kwoze

Isaias 7:1

Ginmapoy bakal nen manaarid Juda si Ari Acaz a lakin anak nen Jotam tan apo nen Uzias. Say ari na Siria a si Rezin tan say ari na Israel a lakin anak nen Remalias et dinogpaan day Jerusalem, balet ag da adakep.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.

Ezekiel 21:24

Sikato ya sirin so ibabagak, siak a Katawan a Dios: Niparontal iray kasalanan yo. Amta na balang sakey a nankasalanan kayo. Ipapanengneng yo ray kasalanan yo diad panamegley na amin a gagawaen yo. Asintinsiaan kayo lan nadusa, tan iyawat ta kayod saray kalaban yo.

Saray Tagleey 4:22

Nambayar lay Sion na kasalanan to; ag kami la nibantak ed arum a bansa. Balet sika Edom, dusaen ka na Katawan; ibawag toy kasalanan a gagawaen mo.

Jeremias 33:24

“Naimanom so pangibabaga da ray totoo ya impolisay koy Israel tan say Juda, saray duaran pinilik a pamilya? Kanyan balbalawen da ray totook tan ag da la ra ipapasen a sakey a bansa.

Isaias 14:28

Sikato yay salitan nibawag diad taon ya inatey si Ari Acaz.

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Bilang 23:7

Imbalikas nen Balaam so sayan propisiya: “Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, ‘Gala, ta isalitaan mo ak, Isamban iray Israelita.’

Ezekiel 5:14

Balawen tan arawian kayo na balang sakey ya ondalan a toon taga saray bansan walad kaliber-liber yo.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.

Ezekiel 16:56

Ag mo ta nilelemlemew so Sodoma nen panaon na panagpaatagey mo,

Ezekiel 22:4

Nankasalanan kad saraman ya impanpapatey mo tan adotakan ka lapud saraman a talintaon ginagawam, kanyan onsasabi lay agew mo, sinmabi lay panaon mo! Lapud saya inabuloyan kon ludlureyen tan balbalawen ka na amin a bansa.

Ezekiel 23:32

Say Katawan a Dios kuanto, “Oninom ka ed kupa nen atsim; baleg tan aralem so kupa to. Balawen tan lureyen ka na balang sakey;

Ezekiel 27:16

Sinaliw na saray totood Siria iray amayamay a lakom. Imbabayar dad saray kagawaan mo iray ismiralda, saray purpuran abel, saray binordaan ya abel, saray pinon linen, saray baton koral, tan saray baton rubi.

Sofonias 3:19

Onsasabi lay panaon! Dusaen ko ray mamapairap ed sikayo; Iyagel kon amin iray piley tan isempet ko ray nibantak ed arum a bansa. Pagmaliwen kon kagalangan so impakabaingan da, tan dayewen ira na intiron mundo.