Ezekiel 16:5 - Maung A Balita Biblia

⁵ Anggapoy anggan sakey ya angasi a nanggawad sika na anggan dinan ed saraya. Nen nianak ka, anggapoy angarod sika. Nibantak ka ed pegley na alog.

Maung a Balita Biblia

⁵ Anggapoy anggan sakey ya angasi a nanggawad sika na anggan dinan ed saraya. Nen nianak ka, anggapoy angarod sika. Nibantak ka ed pegley na alog.

Ezekiel 16:5 Referans Kwoze

Deuteronomio 32:10

“Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Saray Tagleey 4:3

Papasusoen na anggan inan asod katakelan iray anak da, balet singa saray abistrus ed kalawakan a maruksa rad sibong da iray totook.

Saray Bilang 19:16

Magmaliw a marotak a pitoy agew so siopaman a maniwit ed toon pinatey odino inatey a bukor ed paway na ayaman, odino siopaman a maniwit na pokel na inatey odino maniwit na lobuk.

Exodo 1:22

Diad satan, say ari angipaakseb na sakey a ganggan ed saray amin a totoo to: “Ipaanur yod Ilog na Nilo so balang Hebreon laki a kapangyanak, balet ag yo papateyen iray kapangyanak a bibii.”

Genesis 21:10

Anengneng ya nen Sara tan inkuantod kinen Abraham, “Pataynan mo yan aripen a bii tan say anak to. Ag nayarin say anak to et miapag ed kayamanan mo a tawiren nen Isaac ya anak ko.”

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 2:19

Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Jeremias 22:19

Singa kipompon na sakey ya asno so kipompon to, sikatoy nigayugoy tan nibantak ed paway na saray puirta na Jerusalem.”

Ezekiel 16:6

“Nen ondadalan ak anengneng kon pigar-pigar kad dilin dalam. Anggaman ya adala-dalaan so intiron laman mo, inyabuloy kon mambilay ka.