Ezekiel 16:47 - Maung A Balita Biblia

⁴⁷ Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.

Maung a Balita Biblia

⁴⁷ Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.

Ezekiel 16:47 Referans Kwoze

2 Saray Arari 21:9

Balet ag inonur na saray totood Juda so Katawan, tan inlagyat nen Manases iran nankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

Ezekiel 16:51

“Ag akapalduad kasalanan mo so kasalanan na Samaria. Makapaingungot ni ray ginagawam nen say sikato. Singa anggapoy kasalanan da ray agagim no ipara so kaogsan mo ed kaogsan da.

Ezekiel 16:48

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwa ya ag balut ginawa na agim a Sodoma tan saray bario to iray ginagawam tan saray bariom.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

Ezekiel 8:17

Say Katawan inkuantod siak, “Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

Jeremias 3:7

Ninunot ko, a kayari ton gawaen ira yan amin, andi-saew ya ompawil ed siak. Balet ag pinmawil, insan say malamang ya agi ton bii a Juda et anengneng to yan agawa.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Ezekiel 16:52

Natan nepeg mon itepel so inkaplag mod kababaingan a bunga na kaogsan mo. Lapud mapalalo ray kasalanan mo nen saray agagim, ompapaway a singa anggapoy kasalanan da ra yan agagim a kaampar mo. Natan baing ka tan itepel moy kababaingan mo, lapud ipaparontal mon singa anggapoy kasalanan da ray agagim.”