Ezekiel 16:46 - Maung A Balita Biblia

⁴⁶ “Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.

Maung a Balita Biblia

⁴⁶ Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.

Ezekiel 16:46 Referans Kwoze

Ezekiel 23:4

Say pangulowan manngaran na Ahola (ilalaman toy Samaria), tan say yogtan manngaran na Aholiba (ilalaman toy Jerusalem.) Inasawak iran dua tan wala ray anak kod sikara.

Ezekiel 16:61

Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Ezekiel 16:51

“Ag akapalduad kasalanan mo so kasalanan na Samaria. Makapaingungot ni ray ginagawam nen say sikato. Singa anggapoy kasalanan da ray agagim no ipara so kaogsan mo ed kaogsan da.

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Judas 1:7

Nunot yo met so Sodoma, Gomorra, tan saray kaliber-liber dan baley. Lapu met ed impanggawa da ray totood man na inmoralidad tan saray kasalanan sumpad inkatoo ra, manlilikna ray dusa ed andi-anggaan ya apoy, a sikatoy pamasakbay ed amin a katoowan.

2 Pedro 2:6

Dinusa na Dios iray siudad na Sodoma tan Gomorra. Tinemek to ra diad panamegley na apoy, pian nipanengneng toy pansumpalay totoon anggapoy Dios.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Ezekiel 26:6

tan pateyen da diad panamegley na ispada iray totoon manaayam ed saray baley to diad maawang a dalin to. Diad satan naamtaan na Tiro a siak so Katawan.”

Ezekiel 23:11

“Anggaman a si agi ton Aholiba et anengneng to yan inkagawa, mapalalo nin magantil tan marotak so panagbilay to nen si atsi ton Ahola.

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Deuteronomio 32:32

Saray kalaban dan maoges a singa saray totood Sodoma tan Gomorra et singa ra saray wakal na ubas a mambunga ray ampait tan makasamal,

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

Genesis 19:29

Balet nen dineral na Dios iray siudad na saman a patar a panaayaman nen Lot, ag to nilingwanay Abraham, kanyan inabuloyan ton nibatikan nen Lot so deral.

Genesis 14:8

Tinipon na saray ari na Sodoma, Gomorra, Adma, Zeboim, tan Bela ed patar na Sidim iray sondalo ra tan akilaban irad

Saray Huis 19:22

Manliliket ira nen kabebekta walay ray pigaran lalakin marotak so inkatoo ra a sinmabi ran nanlapud baley. Niliktub da may abung tan ginapwan day nantoktok ed kaput. Inkuandad samay masiken, “Ipaway mo dia tay lakin kaibam a sinmempet! Labay miy miakdul ed sikato!”

Ezekiel 23:2

“Sika a toon ompatey, nen saman walay sanagin bii.

Isaias 10:11

Dineral koy Samaria tan amin da ray talintao na saray diriyos to, tan onya met so gawaen ko ed Jerusalem tan saray talintaoy diriyos ya igagalang diman.”

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.