Ezekiel 16:38 - Maung A Balita Biblia

³⁸ Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Maung a Balita Biblia

³⁸ Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Ezekiel 16:38 Referans Kwoze

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Ezekiel 23:25

Lapud petang na olok ed sika, ipadapok ed sika so sulit na pasnuk da. Ekalan da kay eleng tan layag tan pateyen da ray anak mo. On, alaen dad sika iray anak mon lalaki tan bibii, insan da ra poolan a mabilay.

Ezekiel 16:40

“Sogsogan day karaklan a manupak ed sika, tan bingbingkasen da ka ed panamegley na saray ispada ra.

Ezekiel 16:36

“Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.

Saray Bilang 35:31

Say toon mamatey na kapara ton too et nepeg a pateyen. Ag nayarin paliisan toy dusa na kasalanan to diad pambayar to na kuarta.

Exodo 21:12

“Siopamay mangabil na kapara ton too tan apatey to, nepeg a pateyen.

Genesis 38:24

Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.” Ingganggan nen Juda, “Ipaway yo, insan yo poolan ya anggad ag to ipatey.”

Genesis 38:11

Insan inkuanen Juda ed kinen manugang to, “Sempet ka nid abung nen amam tan ag ka ni miaasawa ya anggad ibaleg nen anak kon Sela.” Inkuanto ya lapud antakot, ta ompan napatey met si Sela, a singa agawad saramay duaran agi to. Sinmempe la sirin si Tamar.

Ezekiel 23:24

Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.

Ezekiel 35:6

Lapud saya, legan a siak so mabilay a Katawan a Dios, andi-duaruwan say patey so pansumpalan mo, tan ag mo ya nibatikan. Nankasalanan kad impanpatey mod saray totoo, kanyan osilan ka met na patey.

Saray Bilang 35:16

“Balet no say sakey a too et mangikana na armas a balatyang odino bato odino kiew ed pamatey to, mankasalanan lapud impakapatey toy too, kanyan nepeg a pateyen.

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Ezekiel 36:18

Impaliknak ed sikara so sulit na pasnuk ko lapud saray impanpapatey dad saray totoo ed bansa tan lapud saray talintaoy diriyos a sikaray makasengeg na impandotak dad dalin.