Ezekiel 16:35 - Maung A Balita Biblia

³⁵ Natan sirin, Jerusalem, sikan marotak a bii! Dengel moy ibabaga na Katawan:

Maung a Balita Biblia

³⁵ Natan sirin, Jerusalem, sikan marotak a bii! Dengel moy ibabaga na Katawan:

Ezekiel 16:35 Referans Kwoze

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Juan 4:18

Ta limara lay akiamungan mo tan ag mo asawan peteg so kaamung mo natan. Imbagam ed siak so katwaan.”

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Nahum 3:4

Nadudusa la so Ninive ya aliling toy marotak a bii. Makaay-ayat tan makapatey so ganggana to, kanyan pinalikdo to ray bansa tan inaripen to ra.

Amos 7:16

Kanyan dengel ka natan ed ibabagay Katawan. Ibabagam ya ontonda ak a mampropisiya, ya ontonda ak a mampulong sumpad saray totood Israel.

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Ezekiel 34:7

“Natan, sikayo a pumapastol, dengel yoy ibabagak ed sikayo, siak a Katawan.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Ezekiel 13:2

Inkuanto, “Sika a toon ompatey, mampropisiya ka sumpad saray propita na Israel a gagawaen dan dili iray propisiya ra. Ibagam ed sikara ya ondengel irad saray salita na Katawan.”

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Isaias 28:14

Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Ezekiel 16:34

Nidoma-doma kan marotak a bii. Anggapoy amasoot ed sikan magmaliw a marotak a bii. Ag ka angawat na bayar; binabayaran mo ra ingen! Nidoma kan tua.”

Ezekiel 16:36

“Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.