Ezekiel 16:25 - Maung A Balita Biblia

²⁵ Insasagar mod pitek so gangganam. Inter moy sikan dili ed balang toon dinmalan, tan inagew-agew alabas ka ni nen say marotak a bii. Amimpiga-pigam yan ginagawa.

Maung a Balita Biblia

²⁵ Insasagar mod pitek so gangganam. Inter moy sikan dili ed balang toon dinmalan, tan inagew-agew alabas ka ni nen say marotak a bii. Amimpiga-pigam yan ginagawa.

Ezekiel 16:25 Referans Kwoze

Ezekiel 16:31

Diad amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki. Balet aliwan kuartay gagalam a singa biin marotak a nayarin egnaay karaklan.

Jeremias 3:2

Tangwa kad toktok na kapokdulan tan nengneng ka; wala tad may pasen ya ag mo angipasenay sikan dili a singa marotak a bii? Diad gilig na dalan nanaalagar ka na saray manangaro; singa ka sakey ya Arabe a mantatalaran ed kalawakan na saray pairapen to. Dinotakan moy bansa lapud pikakaloguran mo.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Ezekiel 23:32

Say Katawan a Dios kuanto, “Oninom ka ed kupa nen atsim; baleg tan aralem so kupa to. Balawen tan lureyen ka na balang sakey;

Ezekiel 16:15

“Balet impoonan moy dilin gangganam tan inkabantug mo diad impipiakdul mod balang sakey ya ondalan.

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Genesis 38:21

Tinepet tod pigaran lalaki ed Enaim, “Kawalaan to may biin marotak a wadya nen saman ed gilig na dalan?” Inmebat ira, “Anggapo pa ni dian balut so ontan a bii.”

Genesis 38:14

Kanyan inekal toy kawes na balo ya akasolung ed sikato, sinakbungan toy lupa to na pandung, tan nanirung ed lolooban na Enaim, sakey a baley ed dalan a mamaarap ed Timna. Kabat to a balolaki la si Sela, balet ag to ni inasaway Tamar.

Isaias 23:17

No kayari na pitomplon taon, iyabuloy na Katawan a say Tiro et makapawil ed gendat a panaganapan to, tan sikatoy paikana ed amin da ray nanarian ed intiron mundo.

Jeremias 11:15

Say Katawan kuanto, “Manggagaway kaogsan iray totoon inararok. Anto sirin so kanepegan dan niwala rad Timplo? Abaloan dan napaer day deral ya onsabid sikara diad panggagawa ra na saray sipan tan diad pangibabagat dad saray ayayep? Makapanliket ira sirin?

Nahum 3:4

Nadudusa la so Ninive ya aliling toy marotak a bii. Makaay-ayat tan makapatey so ganggana to, kanyan pinalikdo to ray bansa tan inaripen to ra.

Jeremias 3:20

Balet singa biin aliwan matoor ed asawa to, sikay aliwan matoor ed siak. Siak, say Katawan, so nansalita.”