Ezekiel 16:23 - Maung A Balita Biblia

²³ Inkuan na Katawan a Dios, “Pakaskasi ka! Pangaskasiyay kipapasen mo, Jerusalem! Ginagawam la ra man ya amin a kaogsan, insan

Maung a Balita Biblia

²³ Inkuan na Katawan a Dios, Pakaskasi ka! Pangaskasiyay kipapasen mo, Jerusalem! Ginagawam la ra man ya amin a kaogsan, insan

Ezekiel 16:23 Referans Kwoze

Puyan 12:12

Kanyan manggayaga kayo, sikayon katawenan tan sikayon manaayam ditan! Balet sikayo, dalin tan dayat, pakaskasi kayo! Ta linmeksab ed sikayo so Diablo tan agaylay pasnuk to, lapud amta ton antikey lan panaoy atilak ed sikato.”

Puyan 8:13

Insan anengneng koy sakey ya agilan ontitikyab ed liwang tan nadngel kon oneeyag, “Makapataktakot! Makapataktakot! Pakaskasi ya amin iray mambibilay ed tapew na dalin no sibuken la na taloran anghil iray trumpitan nepeg da nin sibuken!”

Mateo 11:21

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Sofonias 3:1

Pakaskasi so Jerusalem, saman a siudad a napno na karotakan, tan mananumpa a papairapen to ray dilin totoo to.

Ezekiel 24:6

Sikato ya so kuan na Katawan a Dios: “Pakaskasi so siudad a kawalaan da ray totoon managpatey na too! Kapara toy latiyan a kaldiro ya ag balut naorasan. Sansakey a nanaala so tegteg na karni tan anggapoy akeraan a karga to.

Ezekiel 13:18

tan ibagam ed sikara so sasalitaen kod sikara, siak a Katawan a Dios: “Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.

Ezekiel 13:3

Sikato ya so ibabaga na Katawan a Dios: “Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Ezekiel 16:22

Diad samay panaon a makapabaing so pambibilay mo a sakey a marotak a bii, ag mon balut anunotan so impanogaw mo—nen lakseb-labus ka a pigar-pigar kad dilin dalam.”

Ezekiel 16:24

diad gilig na amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki.