Ezekiel 16:20 - Maung A Balita Biblia

²⁰ “Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Maung a Balita Biblia

²⁰ Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Ezekiel 16:20 Referans Kwoze

Ezekiel 23:37

Akikaloguran ira tan amatey ira—akikaloguran irad saray talintaoy diriyos tan pinatey da ray anak dad siak. Imbabagat dad saray talintaoy diriyos da iray anak kon lalaki.

Ezekiel 20:31

Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.

Ezekiel 20:26

Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.

Jeremias 7:31

Diad Patar na Hinnom nanggawa ray altar a tatawagey Tofet, a diay nampopoolan dad saray imbabagat dan anak da. Ag ko ingganggan a gawaen da ya odino sinmebang ed kanunotan koy onya.

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Ezekiel 23:39

Diad samay agew na impamatey dad saramay anak kon imbagat dad saray talintao, linma rad Timplok tan dinotakan da!

Ezekiel 16:21

kanyan inaalam iray anak ko tan imbabagat mo rad saray talintaoy diriyos?

Isaias 57:5

Igagalang yo ray diriyos na inkabona diad panaakdulan yod silong na saray masanton kiew yo. Ibabagat yo ray anak yo diad saray ongib na ankakabaleg a bato diad gilig na saray kolus.

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Mikias 6:7

Manliket kasiy Katawan no iyawitan ko na sanlibon karniro odino larak na oliba ya ag manganggay agos to? Isaklang ko kasid sikaton bagat so pangulowan ya anak ko a pambayar na saray kasalanan ko?

Ezekiel 23:4

Say pangulowan manngaran na Ahola (ilalaman toy Samaria), tan say yogtan manngaran na Aholiba (ilalaman toy Jerusalem.) Inasawak iran dua tan wala ray anak kod sikara.

Ezekiel 8:17

Say Katawan inkuantod siak, “Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Arari 16:3

ta inalig to ray ginagawa na saray ararid Israel. Insaklang ton bagat a popoolan ed saray talintaoy diriyos so anggan say dilin anak ton laki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Ezekiel 14:14

Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo.” Say Katawan a Dios so nansalita.

Jeremias 3:24

Balet lapud impangigalang mid Baal a dios na kababaingan, abalang mi ray amin a bengatlan nanlingetan na saray lalaki mi nanlapu lad impanogaw mi—saray anak mi, saray karniro mi tan saray arum ya ayayep mi.

Jeremias 19:5

tan nampapaalagey iray altar a para si Baal, pian makapampool ira na saray anak dan isaklang a bagat a popoolan. Ag ko ya ingganggan ed sikara; ag balut anggan sinmibang ed kanunotan ko.

Ezekiel 16:36

“Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.