Ezekiel 16:19 - Maung A Balita Biblia

¹⁹ Initdan ta ka na kakanen—say sankaabigan ya arina, larak na oliba, tan dilo—balet imbabagat mon pangalam na maung a linawa da ray talintaoy diriyos.” Sikato ya so ibabagay Katawan a Dios.

Maung a Balita Biblia

¹⁹ Initdan ta ka na kakanensay sankaabigan ya arina, larak na oliba, tan dilobalet imbabagat mon pangalam na maung a linawa da ray talintaoy diriyos. Sikato ya so ibabagay Katawan a Dios.

Ezekiel 16:19 Referans Kwoze

Ezekiel 16:13

Wala ray alahas mon balituk tan pilak, tan akakawes ka lawas na nambordan linen tan sida. Tinapay a ginawad sankaabigan ya arina so kakanen mo, tan mamangan ka met na dilo tan larak na oliba. Nidoma-domay gangganam, tan nagmaliw kan riyna.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Ezekiel 16:18

Inalam imay kawes mon namborda ya inter kod sika, insan mo insolung ed saray imahin, tan insaklang mod saramay imahin ira may larak na oliba tan insinson iniiter kod sika.

Jeremias 3:24

Balet lapud impangigalang mid Baal a dios na kababaingan, abalang mi ray amin a bengatlan nanlingetan na saray lalaki mi nanlapu lad impanogaw mi—saray anak mi, saray karniro mi tan saray arum ya ayayep mi.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.