Ezekiel 16:15 - Maung A Balita Biblia

¹⁵ “Balet impoonan moy dilin gangganam tan inkabantug mo diad impipiakdul mod balang sakey ya ondalan.

Maung a Balita Biblia

¹⁵ Balet impoonan moy dilin gangganam tan inkabantug mo diad impipiakdul mod balang sakey ya ondalan.

Ezekiel 16:15 Referans Kwoze

Ezekiel 16:25

Insasagar mod pitek so gangganam. Inter moy sikan dili ed balang toon dinmalan, tan inagew-agew alabas ka ni nen say marotak a bii. Amimpiga-pigam yan ginagawa.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Isaias 57:8

Ililira yod saray beneg na kaput yo iray mabanbanday a talintao yo. Ikakaindan yo ak; manlalabus-lakseb kayo, insan kayo onsasapat ed saray ankakabaleg a katri yo a kaiba yo ray kainarowan yon uupaan yo tan diman yo ra aakdulan. Diman yo pepeneken so kaliktan na laman yo.

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Jeremias 7:4

Tondaan yo lay panagmatalek yod managpalikdon balikas, ‘Arawi kamid kaatapan! Sikato yay Timplo na Katawan, sikato yay Timplo na Katawan, sikato yay Timplo na Katawan!’

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Oseas 4:10

Kanen yoy betang yo ed saray bagat, balet ag kayo nin siansia napesel. Igagalang yo ray diriyos a makapalokun, balet siansian ag kayo makaanak, lapud imbeneg yo ak diad intombuk yod saray arum a diriyos.”

Ezekiel 33:13

Nayarin isipan kon mambilay so maung a too, balet no nunoten ton masarag la ray ginagawa ton kamaungan insan igapo toy mankasalanan, ag ko nunoten so antokaman a ginagawa ton kamaungan. Ompatey lapud saray kasalanan to.

Ezekiel 27:3

samay siudad a walad bungangay dayat tan manninigosio ed saray totoon manaayam ed kapag gilig na dayat. Ibagam ed sikato no anto so ibabagak, siak a Katawan a Dios: “Tiro, inkinon mo so nagnap a gangganam.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 17:7

Ataloy Samaria, ta nankasalanan iray Israelita ed Katawan a Dios da ya angyagel ed sikarad ari na Egipto tan angipaway ed sikarad Egipto. Angigalang irad saray arum a diriyos,

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

1 Saray Arari 11:5

Inggalang nen Solomon si Astarte a diosa na Sidon, tan si Milcom a makapaingungot a dios na Ammon.

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.

Saray Huis 3:6

Akikiasawaan irad sikara tan angigagalang irad saray diriyos da.

Saray Huis 2:12

Tinondaan day angigalang ed Katawan a Dios na saray atateng da, say Dios ya angipaway ed sikara ed Egipto. Inggapo da met so angigalang ed saray arum a diriyos na saray totood kaliber-liber da. Dinmadakmomo ra ed sikara, kanyan impampasnuk day Katawan.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Ezekiel 16:16

Inkakanam a pamarakep ed saray pasen a panangigalangan mo iray arum a kawes mo tan, singa sakey a marotak a bii, inter moy laman mo ed anggan siopa.

Oseas 4:18

Kayari ran oninom na pinasyan alak, manliket irad piakdul dad saray marotak a bibii; labay da niy napelag ed kababaingan nen say makagamur na kagalangan.

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.