Ezekiel 16:13 - Maung A Balita Biblia

¹³ Wala ray alahas mon balituk tan pilak, tan akakawes ka lawas na nambordan linen tan sida. Tinapay a ginawad sankaabigan ya arina so kakanen mo, tan mamangan ka met na dilo tan larak na oliba. Nidoma-domay gangganam, tan nagmaliw kan riyna.

Maung a Balita Biblia

¹³ Wala ray alahas mon balituk tan pilak, tan akakawes ka lawas na nambordan linen tan sida. Tinapay a ginawad sankaabigan ya arina so kakanen mo, tan mamangan ka met na dilo tan larak na oliba. Nidoma-domay gangganam, tan nagmaliw kan riyna.

Ezekiel 16:13 Referans Kwoze

Saray Salmo 50:2

Say Dios onsisindag a manlapud Sion, say siudad a nagnap sa dakep to.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

Saray Salmo 48:2

Atagey tan marakep so Sion a palandey na Dios; say siudad na matalonggaring ya ari so mangiiter na gayaga ed intiron mundo.

Ezekiel 16:19

Initdan ta ka na kakanen—say sankaabigan ya arina, larak na oliba, tan dilo—balet imbabagat mon pangalam na maung a linawa da ray talintaoy diriyos.” Sikato ya so ibabagay Katawan a Dios.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Jeremias 13:20

Jerusalem, nengneng mo! Onsasabin manlapud baybay iray kalaban mo! Kawalaan da ray totoon nipiad sikan asikasoen mo, saray totoom ya ikikinon mo?

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Saray Salmo 147:14

Pansiasiansiaen tod kareenan iray ketegan mo tan pepeneken to kay sankaabigan a trigo.

Saray Salmo 81:16

Balet pakanen ta kayoy sankaabigan a trigo, tan peneken ta kayoy dilod katakelan.”

Esdras 5:11

“Inebatan da kami, ‘Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

Esdras 4:20

Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

2 Samuel 8:15

Nanoley si David ed intiron Israel; maptek tan anggapoy nilabi so impanoley tod saray totoo.

1 Samuel 12:12

Balet nen ngalngali kayo la labanan nen Nahas ya ari ed Ammon, impolisay yon ari yo so Katawan tan kuanyod siak, ‘Labay miy sakey ya arin manoley ed sikami.’”

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

Deuteronomio 8:8

sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

Genesis 17:6

Amayamay so iter kod sikan kabyangay boleg mo, magmaliw iran amayamay a bansa, tan pigarad sikaray magmaliw ya arari.

Ezekiel 16:10

Sinolungan ta kay nambordan kawes tan initdan ta kay sapatos a balibaliy katat to; initdan ta ka met na linen a bandana tan sidan kolibemben.

Ezekiel 16:17

Inaalam iray pilak tan saray balituk ya alahas ya iniiter kod sika, inkanam irad impanggawam na lalakin imahin, insan ka akikaloguran ed sikara.

Ezekiel 23:40

“Angibaki la ran angibaki na saray totoon angimbitan ondago iray totoon taga arawin pasen, et dinmago ra. Nanames ira may sanagi tan ginolisan da ray gilig na mata ra tan nampepeket ira na alahas ed laman da.

Ezekiel 27:16

Sinaliw na saray totood Siria iray amayamay a lakom. Imbabayar dad saray kagawaan mo iray ismiralda, saray purpuran abel, saray binordaan ya abel, saray pinon linen, saray baton koral, tan saray baton rubi.

Say Libro nen Job 29:6

Maniiter nen saman na daakan a gatas iray bakak tan saray kanding ko, tan saray kiew na olibak mabonabona ra anggan saray walad kabatowan.