Ezekiel 15:4 - Maung A Balita Biblia

⁴ Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?

Maung a Balita Biblia

⁴ Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?

Ezekiel 15:4 Referans Kwoze

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Saray Salmo 80:16

Pinoolan na saray kalaban mi tan binatang da; moldagatan mo pa rad pasnuk mo tan patey mo ra!

Saray Hebreo 12:29

ta say Dios tayo et manangoput ya apoy.

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Ezekiel 19:14

Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Ezekiel 15:3

Nikana yo ta ed panggawa yo na antokaman so wakal na ubas? Makala kayod wakal na gawaen a pansabitan na bengatla?

Ezekiel 15:5

Anggapoy kana to, anggan nen ag ni apoolan. Natan ta apoolan la tan nagmaliw lan oring, lalon anggapoy kana to.”

Ezekiel 15:6

Natan saya so ibabaga na Katawan a Dios: “No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,