Ezekiel 14:6 - Maung A Balita Biblia

⁶ “Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Maung a Balita Biblia

⁶ Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Ezekiel 14:6 Referans Kwoze

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Ezekiel 14:4

“Natan misalita kad sikara tan ibagam so ibabagak ed sikara, siak a Katawan a Dios: Balang Israelita ya inter toy puso tod saray talintaoy diriyos tan aabuloyan to ran iwanwan dad kasalanan, insan onlan mangipanon ed sakey a propita, makaawat na ebat a manlapud siak—ebat a kanepegan na saray amayamay a talintao to!

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

2 Saray Awaran 29:6

Aliwan matoor ed Katawan a Dios tayo iray lalaki tayo, ta ginagawa ray aliwan makapaliket ed sikato. Inkaindan da tan imbeneg day pasen a panaayaman to.

Ezekiel 8:6

Inkuan na Dios ed siak, “Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.”

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.