Ezekiel 14:19 - Maung A Balita Biblia

¹⁹ “No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Maung a Balita Biblia

¹⁹ No mangipadalan ak na salot ed saman a bansa tan diad pasnuk ko mamatey ak na amayamay a totoo ta ayayep,

Ezekiel 14:19 Referans Kwoze

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Ezekiel 7:8

“Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

2 Samuel 24:15

Kanyan say Katawan angibaki na salot ed Israel a ginmapod saman a kabwasan ya anggad panaon a tinandaan to. Manlapud Dan a sakey a ketegan na bansa ya anggad Beer-seba a sananey a ketegan, pitomplon libon Israelita iray inaatey.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Ezekiel 36:18

Impaliknak ed sikara so sulit na pasnuk ko lapud saray impanpapatey dad saray totoo ed bansa tan lapud saray talintaoy diriyos a sikaray makasengeg na impandotak dad dalin.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 21:9

Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Jeremias 21:6

Pateyen ko so balang sakey a manaayam ed sayan siudad; ompatey ed makapataktakot a salot iray amin a totoo tan ayayep.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Saray Salmo 91:6

odino diad saray salot ya onsabi no ambilonget, odino diad saray kaogsan a mamatey no maliwawa.

Saray Salmo 91:3

Andi-saew ya ipaliis to kad amin a maamut a kaatapan, tan diad amin a makapatey iran salot.

2 Saray Awaran 20:9

a no ondalan ed sikaray bengatlan manderal, a singa say bakal, salot, odino eras makakar iran manalagey ed arap na sayan Timplo a pangigagalangan ed sika. Makapampikasi rad sika lapud kagugunigon da, et dengelen tan iyagel mo ra.

2 Saray Awaran 7:13

Kapag ag ko paoranen, odino kapag mangibaki ak na saray dorun a mangan ed saray tanaman, odino mangipadalan ak na salot ed saray totook,

2 Saray Awaran 6:28

“No walay eras ed dalin, odino salot, odino namagaan iray tanaman, odino deralen ira na saray dorun, odino dogpaan na saray kalaban iray totoom, odino mansakit o manginagem ira,

1 Saray Arari 8:37

“No walay eras ed dalin, odino salot, odino namagaan iray tanaman, odino deralen ira na saray dorun, odino dogpaan na saray kalaban iray totoom, odino mansakit o manginagem ira,

2 Samuel 24:13

linmad sikatoy Gad, sinalita toy impaibaga na Katawan, tan tinepet to, “Dinay pilien mo? Taloy taon ya eras ed dalin mo, odino taloy bulan ya ibatik-batikan mo ray kalaban mo, odino taloy agew a salot ed dalin mo? Kanyan nunot mo tan ibagam ed siak no antoy ebat mo, ta sikatoy ibagak ed Katawan, ya angibakid siak.”

Saray Bilang 14:12

Ipadalan kod sikaray salot tan deralen ko ra, balet pagmaliwen ta ka ya ama na sakey a bansa a lalon maawang tan makapanyari nen say sikara!”

Isaias 34:3

Ag nikotkot iray bangkay da, no ag ta kitongilang iran naboluk tan ombanget; nabalangaan na dala iray kapalandeyan.

Ezekiel 14:18

et anggan bilang manaayam diman ira may taloran lalaki—legan a siak so mabilay a Katawan a Dios—anggapoy duaruwa ya ag da niagel iray anggan dilin anak da. Say bilay dan talo labat so nilaban da.

Ezekiel 14:20

et manaayam irad man bilang di Noe, Danel, tan Job—legan a siak so mabilay a Katawan a Dios—anggapoy duaruwa ya ag da niagel iray dilin anak da. Say bilay dan talo labat so nilaban na kamaungan da.”

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.