Ezekiel 14:17 - Maung A Balita Biblia

¹⁷ “Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Maung a Balita Biblia

¹⁷ Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 14:17 Referans Kwoze

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Sofonias 1:3

amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Ezekiel 25:13

Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.

Ezekiel 14:13

“Sika a toon ompatey,” kuanto, “no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.

Jeremias 47:6

Oneeyag kayo, ‘Ispada na Katawan! Kapigan ontonda so pantipas mo? Pawil ka lad kaluban mo, manayam ka lad tan a mampainawa!’

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Ezekiel 29:8

Natan sirin, siak a Katawan a Dios, ibabagak a mangyakar ak na saray lalakin totoon ondogpad sika a walay awit dan ispada, tan pateyen da ray totoom tan saray ayayep mo.

Ezekiel 5:17

Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Jeremias 33:12

Inkuan na Katawan a Makapanyarin-amin, “Diad sayan dalin a singa kalawakan ya anggapoy too o ayep a manaayam, nawalaan lamet na saray pastolan a napanyakaran na saray pumapastol na saray karniro ra.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 47:7

Balet panoy pampainawa to, anta initdan koy gawaen ton kimey? Ingganggan kon dogpaan toy Ascalon tan saray totoon manaayam ed gilig na dayat.”

Ezekiel 14:18

et anggan bilang manaayam diman ira may taloran lalaki—legan a siak so mabilay a Katawan a Dios—anggapoy duaruwa ya ag da niagel iray anggan dilin anak da. Say bilay dan talo labat so nilaban da.

Ezekiel 21:8

Say Katawan kuantod siak,

Ezekiel 33:2

Inkuanto, “Sika a toon ompatey, ibagam ed saray totoo so nagawa no mangyakar ak na bakal ed sakey a dalin. Saray totood saman a bansa mamipili rad sikara na sakey a managbantay.