Ezekiel 14:11 - Maung A Balita Biblia

¹¹ Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da.” Say Katawan a Dios so nansalita.

Maung a Balita Biblia

¹¹ Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da. Say Katawan a Dios so nansalita.

Ezekiel 14:11 Referans Kwoze

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Ezekiel 44:10

Say Katawan kuantod siak, “Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Ezekiel 39:22

Manlapud saya naamtaan na saray Israelita a siak so Katawan a Dios da.

Jeremias 32:38

Diad satan magmaliw iran totook, tan siak so Dios da.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Ezekiel 37:27

Manayam ak diman ed kawalaan da; magmaliw a siak so Dios da tan sikaray totook.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Deuteronomio 13:11

Diad satan narengelan na amin ya totood Israel so agawa; ontakot ira, et anggapo lay manggawa na onyan kaogsan.

Jeremias 23:15

“Kanyan sirin, siak, say Katawan a Makapanyarin-amin, kuanko nipaakar ed saray propita ed Jerusalem: Pakanen ko ray ampait a tanaman, tan painomen ko ra na samal a danum, lapud inkayat dad intiron dalin so kaogsan.”

Deuteronomio 19:20

Narengelan ed satan na amin a totoo so agawa; ontakot ira, tan anggapo lad satan so manggawa na onyan a kaogsan.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Ezekiel 14:10

Namparay dusan niiter ed propita tan say angipanon ed sikato.

Ezekiel 14:12

Akisalitad siak so Katawan,