Biblia Todo Logo
Bib sou entènèt

- Piblisite -




Ezekiel 13:6 - Maung A Balita Biblia

6 Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Gade chapit la Kopi

Maung a Balita Biblia

6 Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Gade chapit la Kopi




Ezekiel 13:6
28 Referans Kwoze  

Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.


Siak, say Katawan a Dios na Israel, papasakbayan ta kayon ag kayo papapalikdo ed saray propitan kaiba yod tan, odino saray arum ya ipapasen day sikaran dili a nayarian dan ibagay nagawa ed arapen a panaon. Ag yo aasikasoen iray kogkogip da.


Insan inkuankod kinen Ananias, “Dengel ka, Ananias! Ag ka imbaki na Katawan, tan gagawaen mon manisiad tila ira yan totoo.


Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.


Antoy asumpalan da ray propitan angibagad sika a say ari na Babilonia et ag to ka dogpaan odino sayan bansa?


Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.


Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.


Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.


Lapud sayan ag da impangawat ed katwaan, iyaabuloy na Dios a mankimey so pakayariy tila ed sikara, pian sisiaen day tila.


Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan dakel iray napalingo ra.


Ag ya sisiaen na saray totood Jerusalem, lapud saray paknaan a ginawa ra. Balet sayan pasakbay et mangipanunot ed sikara na saray kasalanan da tan pasakbayan to ran nadakep ira.


Ibabagak ed sikara: Tila ra tay anengneng yon pasingayew, tan aliwan tua ray ipapasakbay yo. Ibabaga yo a sikaray salitak, balet say katwaan to ag ak akisalitad sikayo!”


Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.


ya impaibagak ed amin a priso ed Babilonia ya onya so inkuanto nipaakar ed kinen Semaya: “Siak, say Katawan, dusaen koy Semaya tan amin a kabyangay boleg to. Ag ko imbaki, balet nansalitad sikayon singa propita, tan impanisia to kayod tila. Anggapoy nakeraan a kabyangay boleg to ed sikayo. Ompatey la kasakbayan na panggawak na kaabigan da ray totook. Ag to la naimatunan, lapud imbaga tod sikaran labanan da ak. Siak, say Katawan, so nansalita.”


a say Katawan a Makapanyarin-amin, say Dios na Israel, et inkuanto, “Dineral koy pakayari na ari na Babilonia.


Say toon makulang-kulang sisiaen toy amin a bengatla; balet saray totoon walay pakatalus aasikasoen da ray kurang da.


Kanyan inatey si Ari Acab. Niakar ed Samaria so bangkay to tan diman nipompon.


Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.”


Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”


saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”


Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.


Nampapara so imbaga na amin da ra may propita. Inkuanda, “Lakad Ramot-galaad, et manalo ka. Panaloen ka na Katawan.”


Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”


Diad saman a taon, nen kumaliman bulan na kumapat a taon na panaari nen Sedekias, akisalitad siak ed Timplo si Ananias a lakin anak nen Azur, sakey a propitan taga Gabaon. Diad arap na saray papari tan saray totoo imbaga tod siak


Swiv nou:

Piblisite


Piblisite