Ezekiel 13:18 - Maung A Balita Biblia

¹⁸ tan ibagam ed sikara so sasalitaen kod sikara, siak a Katawan a Dios: “Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.

Maung a Balita Biblia

¹⁸ tan ibagam ed sikara so sasalitaen kod sikara, siak a Katawan a Dios: Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.

Ezekiel 13:18 Referans Kwoze

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Ezekiel 13:20

Natan sikato ya so ibabagay Katawan a Dios: “Kabosul ko ra tay abel ya ibeberber yo ed ngalngalowan ya ikakana yon panooley yo ed bilay tan patey. Bingkasen ko ran ekalen ed saray taklay yo tan ibolus ko ray totoon ooleyan yo.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Ezekiel 13:16

salanti saray propita ya angipasiguro ed Jerusalem a maung ya amin so pansumpalan, anta andi!” Say Katawan a Dios so nansalita.

Ezekiel 13:10

“Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.

Jeremias 4:10

Insan inkuanko, “Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.”

Probirbio 6:26

Say sakey a laki nayarin nabayaran to na sakey a pan di bara so sakey a marotak a bii, balet diad pikakaloguran naalan amin so kayaryan to.

Ezekiel 13:21

Bingkasen kon ekalen iray pandung yo tan paekalen kod pakayari yo ray totook. Naamtaan yod satan a siak so Katawan.