Ezekiel 13:13 - Maung A Balita Biblia

¹³ Natan saya so kuan na Katawan a Dios: “Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.

Maung a Balita Biblia

¹³ Natan saya so kuan na Katawan a Dios: Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.

Ezekiel 13:13 Referans Kwoze

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Puyan 16:21

Inmoran a nanlapud tawen na ankakabaleg a kristal a mambelat na ngalngalin limamplon kiloy sakey, tan apatpataan iray totoo. Lapud saya, inayew na saray totoo so Dios, ta makapataktakot yan salot!

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.

Jonas 1:4

Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Saray Salmo 107:25

Nangganggan, et sinmiplug so mabiskeg a dagem, ya amadaluyon na ankakabaleg.

Saray Salmo 105:32

Aliwan say oran so impelag tod dalin da, no ag ingen pinaoran toy yilo tan pinakirmat to;

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Say Libro nen Job 38:22

Alooban mo la ray kuarton panagsinupan ya anginan ko na yilo tan kristal ya oran?

Ezekiel 1:4

Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.

Ezekiel 13:12

Nageba may padir, tan tepeten ed sikayo na balang sakey a too no antoy kana na samay intapal a dena.”

Say Libro nen Job 38:23

Imparaan ko ran para panaon na gunigon, para agew na bakal tan laban.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Saray Tagleey 2:3

Lapud sanuk to dineral toy biskeg na Israel; Ag tinmulong nen sinmabi ray kalaban. Singa apoy a nampool; tinemek toy amin a bengatla.

Saray Tagleey 2:4

Singa kalaban ya impaarap toy pana tod sikatayo; Pinatey ton amin iray ikikinon tan panliliketan tayo. Anggan diad Jerusalem alikna tayoy manliub a pasnuk to.