Ezekiel 12:6 - Maung A Balita Biblia

⁶ Pabantayan kan sakbaten moy balkut mo tan pepetan moy matam legan mon manakar ed ambilonget, pian ag mo nanengneng no iner so laen mo. Sakey a pasakbay ed saray Israelita so gawaen mo.”

Maung a Balita Biblia

⁶ Pabantayan kan sakbaten moy balkut mo tan pepetan moy matam legan mon manakar ed ambilonget, pian ag mo nanengneng no iner so laen mo. Sakey a pasakbay ed saray Israelita so gawaen mo.

Ezekiel 12:6 Referans Kwoze

Ezekiel 4:3

Mangala ka met na kawalin balatyang tan iliram a singa padir ed nanleetan mo tan say siudad. Arap ka ed siudad. Alakob la so siudad, tan sika so manlalakob. Sikato ya so sakey a tanda ed bansa na Israel.

Ezekiel 24:24

Diad satan magmaliw ak a sakey a tanda ed sikayo: aligen yo ray amin a ginagawak. Imbaga na Katawan a no nagawa ya, naamtaan yo a sikato so Katawan a Dios.”

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

1 Samuel 28:8

Nansolung na nidoman kawes si Saul, pian ag nabirbir tan diad kapansironget linman kaiba to ray duaran totoo to, ta nengnengen da may bii. “Ipanonan mo ak ed saray ispiritu tan ibagam ed siak no antoy nagawa,” inkuantod samay bii. “Tawag moy ispiritun bitlaen ko.”

Say Libro nen Job 24:17

Antakot day liwawa na agew, balet anggapoy takot da ed anggan antoy bilonget.” [Inmebat si Zofar]

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

Ezekiel 12:5

Legan da kan babantayan, mamongaw kad padir na abung mo tan diman mo ipaway so balkut mo.

Ezekiel 12:13

Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.

2 Saray Arari 7:5

Kanyan kasakbayay imbilonget to, linma rad kampo da ray Siriano, balet kasabi rad man anggapoy wadman ya anggan sakey a too.

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!