Ezekiel 12:25 - Maung A Balita Biblia

²⁵ Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Maung a Balita Biblia

²⁵ Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita, kuay Katawan a Dios.

Ezekiel 12:25 Referans Kwoze

Habacuc 1:5

Insan say Katawan kuantod saray totoo to, “Imano yo lawas iray bansad kaliber-liber yo, et onkelaw kayod nanengneng yo. Manggawa ak na sakey a bengatlan ag yo sisiaen no narengelan yo.

Ezekiel 12:28

Kanyan ibagam ed sikara so sayan ibabagak, siak a Katawan a Dios: Anggapo la so nagawan abala. No anto so imbagak, sikato so nasumpal. Siak a Katawan a Dios so nansalita!”

Isaias 55:11

Ontan met so pagmaliwan na salitan ibabalikas ko— ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Isaias 14:24

Say Katawan a Makapanyarin-amin sinambaan to: “Nasumpal so antokaman ya implanok. Nagawa so antokaman a ginetmak a gawaen.

Mateo 24:35

Naandipat so tawen tan dalin, balet ag balut naandipat iray salitak.”

Lucas 21:33

Naandipat so tawen tan dalin, balet ag balut naandipat iray salitak.”

Ezekiel 6:10

Naamtaan da a siak so Katawan tan saray pasakbay ko et aliwan andi-kakanaan iran taktakot.”

Jeremias 16:9

Dengel kad siak a Katawan a Makapanyarin-amin, say Dios na Israel, ed nepeg kon ibaga. Patondaen ko ray tanul na likeliket tan gayaga, tan say sayaksak na saray nubio tan saray nubia ed sayan pasen. Saray totoo dia mambilay ira ya anggad pakanengneng dan nagawa ya.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Lucas 21:13

Sikato yay pankanawnawa yon mantasid siak.

Saray Bilang 11:23

“Wala sirin so ag ko nagawaan?” ebat na Katawan. “Ag mabayag nanengneng mo no kasi nasumpal so sinalitak odino andi!”

Ezekiel 12:26

Inkuan na Katawan ed siak,

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Jeremias 1:11

Tinepet na Katawan ed siak, “Jeremias, antoy nanenengneng mo?” Inmebat ak, “Sakey a sangay kiew ya almindra.”

Ezekiel 7:13

Anggapoy nigosianti ya andokey so pambilay to pian nabawi toy apirdi to, lapud ondapod balang sakey a too so pasnuk na Dios. Ag makapaliis ed patey iray totoon maoges.